FréttirFrettirTrueFalseFalseFalse/forsida/fleira/frettir/FleiraFleiraTrueFalseFalseFalse/default.aspx?PageID=cdd65cda-429d-11ea-a9b0-d8d385b7cb54falsetrue
Fleira

02.11.2020 16:34

Þróun markaða og ávöxtun á sögulegum tímum

Stiklað á stóru

Nú fer haustið brátt að renna sitt skeið og því styttist í að árinu sem hefur einkennst af takmörkunum og óvissu í tengslum við alheimsfaraldurinn COVID-19 ljúki. Faraldurinn hefur haft veruleg áhrif á samfélagið og efnahagslíf á Íslandi sem og í heiminum öllum. Mikið veltur á hvernig mun ganga með þróun bóluefnis og hvenær mögulegt verður að koma því í almenna dreifingu.

Spáð hefur verið mesta samdrætti á lýðveldistímanum og niðurstöður þjóðhagsreikninga fyrir annan ársfjórðung styðja þá spá en samdrátturinn var um 9,3% að raungildi fyrir annan ársfjórðung samanborið við sama tímabil fyrra árs. Jafnframt hefur atvinnuleysi farið vaxandi og mældist 9,0% í september hjá Vinnumálastofnun eða 9,8% ef einnig er tekið tillit til þeirra sem nýta sér hlutastarfaleiðina. Einnig hefur verðbólga hækkað á árinu og mælist nú 3,6% fyrir síðustu tólf mánuði. Ríkisstjórnin hefur reynt að bregðast við afleiðingum faraldursins á efnahag landsins og í umræðunni er lögð áhersla á að beita ríkisfjármálum af fullum þunga og styðja þannig við hagkerfið en ríkissjóður verður því rekinn með halla næstu ár.

Þróun markaða

Faraldurinn hefur óhjákvæmilega haft áhrif á fjármálamarkaði en úrvalsvísitala innlendra hlutabréfa lækkaði um 17,6% á fyrstu þremur mánuðum ársins og heimsvísitala hlutabréfa lækkaði um 21,4% í Bandaríkjadal fyrir sama tímabil. Fjármálamarkaðir hafa nú heilt yfir náð sér þó nokkuð á strik eftir þessa miklu lækkun.

Heimsvísitala erlendra hlutabréfa hefur nú lækkað um 1,7% í grunnmynnt sinni, Bandaríkjadal en í íslenskum krónum hefur hún hækkað um 15% vegna gengisveikingar krónunnar. Gengi krónunnar hefur veikst þó nokkuð það sem af er ári eða um 16,9% gagnvart dollara en 21,5% gagnvart evru. Þá hefur úrvalsvísitala innlendra hlutabréfa einnig náð sér á strik frá þeirri lækkun sem sást á fyrstu þremur mánuðum ársins og hefur nú hækkað um 5,1% það sem af er ári.

Ávöxtun á innlendum skuldabréfamarkaði hefur verið góð þar sem áframhald á lækkandi vaxtastigi hefur leitt til hækkunar á virði skuldabréfa. Meginvextir Seðlabanka Íslands eru nú í sögulegu lágmarki eða 1% en voru 3% í byrjun árs. Verðtryggð ríkisbréf hafa skilað ávöxtun á bilinu 5,0% til 10,1% en óverðtryggð ríkisbréf hafa skilað ávöxtun á bilinu 5,2% til 5,6%.

Ávöxtun

Ávöxtun EFÍA það sem af er ári hefur verið með ágætum. Nafnávöxtun eignasafns EFÍA frá áramótum til októberloka, að markaðsvirði, var um 8,3% en það samsvarar um 5,2% raunávöxtun. Með markmiði um vel dreift eignasafn er dregið úr heildaráhættu safns en geta má sérstaklega um vægi erlendra eigna sem síðustu ár hefur verið aukið í skrefum og stendur nú í um 35%. Þeir eignaflokkar sem hafa skilað hæstri ávöxtun mælt í íslenskri krónu það sem af er ári eru erlend hlutabréf og skuldabréf en ávöxtunina má að miklu leyti útskýra með gengisveikingu krónunnar.

Til baka


28.05.2020 17:00

Ársfundur EFÍA 2020

03.05.2019 12:43

Ársfundur EFÍA 2019

17.04.2019 15:18

Ársfundur EFÍA 2019

16.04.2019 10:09

Skipun kjörnefndar

18.03.2019 11:23

Yfirlit sjóðfélaga

31.01.2019 09:32

Aukaársfundur

27.04.2017 19:16

Tilkynning frá stjórn

08.03.2017 15:31

Yfirlit sjóðfélaga

13.06.2016 14:16

Niðurstöður kosninga

03.07.2015 10:23

Niðurstöður kosninga

15.11.2013 13:53

Staðfesting samþykkta

31.10.2013 12:04

Ný lög um neytendalán

19.04.2013 16:18

Ársfundur EFÍA

10.05.2012 10:14

Ársfundur EFÍA

10.04.2012 14:44

Rafrænir launaseðlar

03.02.2012 10:46

Vel heppnaður fundur

03.10.2011 12:18

Breyttar lánareglur

11.06.2011 15:19

Fundargerð ársfundar

05.05.2011 10:29

Ársfundur EFÍA

20.09.2010 13:42

Nýjar lánareglur

14.05.2010 10:46

Fundarboð

11.01.2010 15:48

Til sjóðfélaga EFÍA

Stillingar fótspora

Hér getur þú stillt hvaða vefkökur þú vilt samþykkja á vefnum.

Lesa kökustefnu efia.is
Samþykkja valdar vefkökur