11.01.2010 15:48

Til sjóðfélaga EFÍA

Til sjóðfélaga EFÍA

11. janúar 2009

Skipting hluta 20% iðgjalds til samtryggingar í séreign

Við breytingar á réttindakerfi EFÍA í lok árs 2008, úr kerfi með jafna réttindaávinnslu í aldurstengda réttindaávinnslu, var samþykktum sjóðsins einnig breytt á þann veg að þær heimila sjóðfélögum að ráðstafa hluta af 20% iðgjaldi sínu til samtryggingar í séreignasjóð að eigin vali samkvæmt nánari útfærslu stjórnar.

Sjóðfélögum er nú heimilt að ráðstafa 4% eða 8% af umsömdu 20% iðgjaldi til séreignasjóðs að eigin vali með því að gera samning þess efnis við EFÍA.

Sjóðfélagar geta einnig sótt um að fá iðgjöld sín á árinu 2009 bakfærð þannig að 4% eða 8% af 20% iðgjöldum ársins greiðist í séreignasparnað að eigin vali. Sækja verður um bakfærslu iðgjalda fyrir 10. febrúar 2010.

Mikilvægt er að hafa eftirfarandi atriði í huga við ákvörðun um að færa hluta iðgjalda úr réttindaöflun í samtryggingu yfir í réttindaöflun í
séreign:

1. Ákvörðun um að lækka hlutfall iðgjaldagreiðslna til EFÍA, sem er samtryggingarsjóður, og greiða í staðinn í séreignasjóð verður ekki síðar breytt. Ástæðan er sú að ekki er hægt að auka greiðslur í samtryggingu og afla sér þannig meiri réttar til tryggingabóta (örorku-, maka- og barnalífeyrisréttar) ef aðstæður sjóðfélaga breytast. Aðeins mun verða hægt að breyta ákvörðun um í hvaða séreignasjóð greitt er.

2. Sjóðfélagar hafa val um að greiða 4% eða 8% í séreign og lækka þannig greiðslur í samtryggingu úr 20% í 16% eða 12%. Sé valið að greiða 4% í séreign er síðar hægt að auka greiðslurnar í 8%. Prósentur þessar kunna að breytast síðar ef reglur um lágmarksiðgjald í samtryggingu krefjast hærra en 12% iðgjalds.

3. Við að greiða lægra iðgjald til öflunar réttinda í samtryggingu lækka örorku-, maka og barnalífeyrisréttindi. Bæði hægir á öflun réttinda auk þess sem svokallaður framreikningsréttur dregst saman. Framreikningsréttur er á þann veg að meðaltals réttindaávinningur síðastliðinna þriggja ára er margfaldaður með þeim árafjölda sem sjóðfélagi á eftir til að ná 65 ára aldri. Áunninn réttur að viðbættum framreiknuðum réttindum myndar þannig grundvölll til útreikings lífeyris.

4. Réttindi í séreignasjóði erfast að fullu en réttindi í samtryggingu ekki.

Sjóðfélagar sem hafa áhuga á að færa hluta af iðgjaldi sínu úr réttindaöflun í samtryggingu yfir í séreign og sækja um bakfærslu iðgjalda ársins 2009 eru beðnir um að fylla út umsókn og senda til Fjármálaráðgjafar Landsbankans, Austurstræti 11, 155 Reykjavík, ásamt samningi um ráðstöfun lífeyrisiðgjalds til séreignarsparnaðar. Umsóknin þarf að berast í síðasta lagi 10. febrúar 2010.

Í viðhengi með bréfi þessu eru eftirfarandi gögn:

1. SAMNINGUR um ráðstöfun lífeyrisiðgjalds til séreignasparnaðar

2. Yfirslýsing sjóðfélaga vegna SAMNINGS um ráðstöfun lífeyrisiðgjalds til séreignasparnaðar

3. Umsókn um bakfærslu hluta lífeyrisiðgjalda ársins 2009

4. Upplýsingablað um frágang á SAMNINGI


Hægt verður að nálgast þessi gögn á heimasíðum EFÍA: www.efia.is http://www.efia.is/ undirliðnum eyðublöð og www.landsbankinn.is/ls/efia



Stjórn EFÍA

Til baka


27.04.2017 19:16

Tilkynning frá stjórn

08.03.2017 15:31

Yfirlit sjóðfélaga

13.06.2016 14:16

Niðurstöður kosninga

03.07.2015 10:23

Niðurstöður kosninga

15.11.2013 13:53

Staðfesting samþykkta

31.10.2013 12:04

Ný lög um neytendalán

19.04.2013 16:18

Ársfundur EFÍA

10.05.2012 10:14

Ársfundur EFÍA

10.04.2012 14:44

Rafrænir launaseðlar

03.02.2012 10:46

Vel heppnaður fundur

03.10.2011 12:18

Breyttar lánareglur

11.06.2011 15:19

Fundargerð ársfundar

05.05.2011 10:29

Ársfundur EFÍA

20.09.2010 13:42

Nýjar lánareglur

14.05.2010 10:46

Fundarboð

11.01.2010 15:48

Til sjóðfélaga EFÍA

Þessi síða notar vafrakökur. Lesa meira