03.10.2011 15:19

Sérstakur saksóknari hættir rannsókn

Sérstakur saksóknari hefur tilkynnt að hann hafi hætt rannsókn á meintum brotum á fjárfestingarheimildum EFÍA og fjögurra annarra lífeyrissjóða sem voru í umsjá LBI hf. (gamla Landsbankans) fyrir hrun. Staðfesting þess efnis barst sjóðnum í gær.

Stjórn EFÍA fagnar þessari niðurstöðu en harmar það jafnframt að það hafi tekið sérstakan saksóknara tvö og hálft ára að rannsaka málið með tilheyrandi álitshnekki fyrir sjóðinn og þá sem störfuðu við rekstur hans.

Í árslok 2008 kom fram við athugun FME að EFÍA og aðrir lífeyrissjóðir sem höfðu verið í rekstri hjá LBI hf. höfðu farið út fyrir fjárfestingarheimildir á fyrsta og öðrum ársfjórðungi 2008 og gefið FME rangar upplýsingar um fjárfestingar sínar. Athugun starfsmanna Landsbankans hf. (sem hafði á þessum tíma tekið yfir rekstur sjóðsins) leiddi í ljós að auðskýranleg mistök höfðu átt sér stað við úrvinnslu gagna sem leiddu til rangrar skýrslugjafar og þess að vikið var frá fjárfestingarstefnu.

Þrátt fyrir skýringar starfsmanna lífeyrissjóðsins og einlægan samstarfsvilja þeirra sem sáu um rekstur hans þá sá FME ástæðu til að vísa málinu til Sérstaks saksóknara. Þá vék fjármálaráðherra, að tillögu FME, stjórn sjóðsins og framkvæmdastjóra frá störfum og skipaði honum umsjónarmann í þeirra stað.

Stjórn sjóðsins gerði strax í upphafi alvarlegar athugasemdir við framgöngu FME í málinu enda var það mat hennar að málið væri að fullu upplýst í ársbyrjun 2009. Ákvörðun Sérstaks saksóknara nú staðfestir að enginn fótur var fyrir málatilbúnaði FME.

Tilgangur rannsóknar Sérstaks saksóknara var að kanna hvort saknæm háttsemi hefði átt sér stað við rekstur og skýrslugjöf sjóðsins. Greinilegt er að embættið telur ekki að svo hafi verið. Rannsókn Sérstaks saksóknara fylgdu hins vegar margvísleg óþægindi og álitshnekkir fyrir sjóðinn, starfsmenn og stjórnarmenn auk þess sem skipun umsjónaraðila var sjóðnum kostnaðarsöm.

Stjórn sjóðsins mun í kjölfar ákvörðunar sérstaks saksóknara, um að hætta rannsókn málsins, skoða rétt sinn vegna þess kostnaðar sem sjóðurinn hefur þurft að bera m.a. vegna skipunar umsjónaraðila.


Stjórn EFÍA

Til baka


27.04.2017 19:16

Tilkynning frá stjórn

08.03.2017 15:31

Yfirlit sjóðfélaga

13.06.2016 14:16

Niðurstöður kosninga

03.07.2015 10:23

Niðurstöður kosninga

15.11.2013 13:53

Staðfesting samþykkta

31.10.2013 12:04

Ný lög um neytendalán

19.04.2013 16:18

Ársfundur EFÍA

10.05.2012 10:14

Ársfundur EFÍA

10.04.2012 14:44

Rafrænir launaseðlar

03.02.2012 10:46

Vel heppnaður fundur

03.10.2011 12:18

Breyttar lánareglur

11.06.2011 15:19

Fundargerð ársfundar

05.05.2011 10:29

Ársfundur EFÍA

20.09.2010 13:42

Nýjar lánareglur

14.05.2010 10:46

Fundarboð

11.01.2010 15:48

Til sjóðfélaga EFÍA

Þessi síða notar vafrakökur. Lesa meira