Kosningar 2019

Stjórn EFÍA er skipuð fimm aðalmönnum og fimm varamönnum.

Samkvæmt greinum 4.1 og 4.1a í samþykktum sjóðsins skulu sjóðfélagar nú kjósa tvo aðalmenn og einn varamann til stjórnarsetu í tvö ár.

Stjórn FÍA tilnefnir á móti, í síðasta sinn, einn aðalmann og tvo varamenn til eins árs en sjóðfélagar munu kjósa um þau stjórnarsæti til tveggja ára á ársfundi 2020. Icelandair tilnefnir tvo aðalmenn og tvo varamenn til eins árs.

Í samræmi við gr. 4.2 í samþykktum sjóðsins skipaði stjórn EFÍA kjörnefnd vegna fyrirhugaðs stjórnarkjörs. Tilkynnt var um skipun kjörnefndar á heimasíðu sjóðsins þann 16. apríl 2019. Kjörnefnd auglýsti eftir framboðum til stjórnar þann 23. apríl 2019, og rann framboðsfrestur út tveimur vikum síðar, 7. maí 2019. Að loknum framboðsfresti hafði kjörnefnd tvær vikur til að fara yfir þau framboð sem bárust og funda með öllum frambjóðendum. Skýrsla kjörnefndar lá fyrir 21. maí 2019 og er hún birt samdægurs hér fyrir neðan ásamt upplýsingum um alla frambjóðendur sem og tilnefnda stjórnarmenn.

Samkvæmt starfsreglum kjörnefndar er markmið með störfum hennar að tryggja sjóðfélögum EFÍA áreiðanlegri forsendur til að taka upplýsta ákvörðun um val í stjórn sjóðsins. Meðal hlutverka kjörnefndar er að hafa umsjón með framkvæmd stjórnarkjörs og leggja fram rökstutt mat á hæfi einstakra frambjóðenda til stjórnarsetu, mat nefndarinnar telst vera ráðgefandi.

Skýrsla kjörnefndar

Framboð: 

Framboð til aðalmanns til tveggja ára:

 Framboð til varamanns til tveggja ára: 

Tilnefningar: 

Aðalmaður til eins árs tilnefndur af FÍA:

Varamenn til eins árs tilnefndir af FÍA: Aðalmenn til eins árs tilnefndir af Icelandair: Varamenn til eins árs tilnefndir af Icelandair:

Upplýsingar um framkvæmd kosninga

Kosningar verða með rafrænum hætti, kosningavef verður stillt upp á heimasíðu sjóðsins og auðkenna sjóðfélagar sig inn í kjörklefann með rafrænum skilríkjum eða íslykli.

  • Opnað verður fyrir kosningu kl. 12:00 þriðjudaginn 28. maí 2019
  • Kosning stendur til 12:00 þriðjudaginn 4. júní 2019
  • Tilkynnt verður um niðurstöðu kosninga á heimasíðu sjóðsins

Á kjörseðli verða nöfn frambjóðenda til aðalmanns annars vegar og frambjóðenda til varamanns hins vegar. Samkvæmt samþykktum sjóðsins skal kjósa í öll sæti sem í boði eru og þurfa gildir kjörseðlar því að innihalda kosningu til tveggja aðalmanna og eins varamanns.

Kosið er um sæti aðalmanna og varamanna á sama tíma. Einn frambjóðandi gefur kost á sér til aðalmanns en til varamanns hljóti hann ekki kjör í aðalstjórn. Sjóðfélagar geta kosið sama frambjóðanda til aðalstjórnar og varastjórnar óski þeir þessa. Hljóti sami frambjóðandi kjör til aðalmanns og varmanns er það kjör hans til aðalmanns sem verður ofan á.

EFÍA ber að tryggja það að fylgt sé 29. gr. laga nr. 129/1997 um samsetningu stjórnar, það felur í sér að tryggja skal að hlutfalls hvors kynsins sé ekki lægra en 40%. Sama gildir um kynjahlutföll meðal varamanna. Í ljósi samsetningar þeirra stjórnarmann sem hafa verið tilnefndir og þeirra sem hafa boðið sig fram er ljóst að ekki þarf að gera ráðstafanir í kosningum nú vegna þess. Allar þær samsetningar sem hægt er að kjósa um nú yrðu löglegar. 

Þessi síða notar vafrakökur. Lesa meira